Pergite - Surgite - Internectite

His duabus rationibus Ratsgymnasium Gladbeck ducitur: TRADITIO et INNOVATIO.

Traditionem interpretamur, ut Jean Jaurès scribit, poeta ille Francogallicus: Traditio non est "cinerem servare, sed inflammare flammam".

Ratsgymnasium est schola vetus - anno post Christum natum bis millesimo centesimum diem natalem celebrabimus - sed recens mansit, patens et rebus novis et experimentis et consiliis ingeniosis technologiisque huius aetatis.

In area vetere novum aedificium exstructum est praeditum duodeviginti conclavibus- velut conclavia disciplinae physicae disciplinaeque informaticae - et magno repositorio intermissionis et machina scansoria et ponte perlucente et area arboribus herbisque ornata.

His duabus partibus aedificii TRADITIO et INNOVATIO significantur et transitus vicesimi saeculi ad vicesimum primum saeculum ita oculis spectari potest.

Praeterea his temporibus "edictum scholae" perficere studemus - magistri, discipuli, parentes rectorque communiter - quo edicto monstretur, quae sint sententiae propositaque scholae, quae ergo sit "philosophia" Ratsgymnasii. Multa nobis iam tradita sunt; "proprium ingenium scholae" nobis iam diu est. In hoc "Rats Online Magacino" de litteris artibusque, de ludicris corporis exercitationibus et de coniunctionibus amicis cum aliis scholis Europae doceri potes. Etiam aliae res inquiri possunt.

Si quid quaerere tibi in animo est, quaere!